არც კი ვიცი რით დავიწყო წერა..ბანალური იქნება თუ უბრალოდ მოგიბოდიშებთ ჩემი პასიურობის გამო,ვერ გეტყვით რომ რაიმე სერიოზული და კონკრტეული მიზეზი მქონდა,თუმცა გარემოებებმა ჩემი წერის განვითარებას ნამდვილად შეუშალეს ხელი.ყოველდღე შემოვდიოდი და ვამოწმებდი თუ რამდენმა ადამიანმა მოინახულა ჩემი ბლოგი,ნანახით გაოცებული ვრჩებოდი,ზოგი შეიძლება შემთხვევით მოხვდა,ზოგიც ახალი იყო,მიუხედავად ამისა მთელი გულით მჯერა რომ ერთერთი მათგანი მაინც იყო ჩემი ერთგული მკითხველი,რომელიც მუდამ ახალი პოსტების მოლოდინში იყო,გული მწყდებოდა რომ იმედებს ვუცრუებდი,მაგრამ იმისთვის რომ რაღაც ღირებული დაწერო,იდეაა საჭირო,იმ დროს კი ჩემ ტვინში სრული გამყინვარება იყო.
რას ნახავთ ამ პოსტში?პირველ რიგში წლის მიმოხილვას,სურვილებსა და იმედებს ახალი 2012 წლისთვის:)))))))
როგორი იყო ეს წელი… ასაღწერად ერთი სიტყვაც საკმარისია..უიღბლო.! სამწუხაროდ ასეა,წარმატების მიღწევის წარუმატებელი ცდები,დიდი იმეცგაცრუება და გულის ტკენა (ყოფილი) ახლობელი ადამიანების მიერ,სტრესი და დაძაბულობა…
ეს წელი ჩემთვის ერთგვარი გამოცდა იყო,რომელიც ასე თუ ისე ჩავაბარე!მომავალ წელს კი აღარ ვაპირებ იგივე შეცდომების დაშვებას,მომავალი წლიდან ვისწავლი რომ უნდა იყო საკმარისად ზრდასრული იმისთვის რომ ამქვეყნიურ პრობლემებს გაუმკლავდე.მომავალი წლიდან არ ჩავიქნევ ხელს იმაზე რაც ერთხელ არ გამომივიდა,მომავალი წლიდან ვეცდები ვიყო უფრო დამთმობი,თვითკრიტიკული,სამართლიანი,მომავალი წლიდან ვეცდები დავაფასო საკუთარი თავი და შევიყვარო ისეთი როგორიც არის.
სულ რაღაც ორი დღის წინ ახალ წელს ძალიან უღიმღამოდ ველოდი,ახლა კი პირიქით,ერთი სული მაქვს როდის შემოაღებს ჩემ კარებს და გამახარებს.მინდა ამ წელმა მაჩუქოს არამხოლოდ მატერიალური არამედ სულიერი ფასეულობებიც და დამანახოს ნამდვილი ცხოვრების აზრი.დამეხმაროს მიზნის მიღწევაში და დიდი განათლების მიღებაში.
მიუხედავად იმისა რომ 2011 წელს ბევრი ცუდი რამ შემემთხვა,ამ წელს მაინც იყო რაღაც სასიამოვნო და ტკბილად მოსაგონებელი. ასევე წავიკითხე რამოდენიმე წიგნი რომელმაც ნამდვილად მომხიბლა და დიდი შთაბეჭდილება მოახდინა ჩემზე(ცვაიგის ნოველები,გამსახურდიას ’დიდოსტატის კონსტანტინეს მარჯვენა’ ; ედგარ პოს მოთხრობები)
ბავშვობაში,როცა თოვლის ბაბუის მჯეროდა ყველაფერი უფრო ჯადოსნური და ლამაზი მეჩვენებოდა,ახლა კი უბრალოდ ველი ახალ წელს იმ იმედით რომ რაღაც შეიცვლება ჩემ ცხოვრებაში.თუ გინდა რომ რაღაც არსებობდეს,ამის თავადვე უნდა გჯეროდეს,ამიტომ მე მჯერა სანტა კლაუსის,თეთრწვერა მოხუცის რომელიც წელიწადში ერთხელ ყველა ადამიანის სურვილს ასრულებს და სასწაულებს ახდენს,მისი ’ელფები’ კი წერილების მიღებას უზრუნველყოფენ,ვიმედოვნებ ჩემი წერილიც მიაღწევს ლაპლანდიამდე:
ძვირფასო სანტა!
უპირველეს ყოვლისა,მინდა მოგილოცო დამდეგი შობა-ახალი წელი! გისურვებ ბედნიერებას ჯანმრთელობას და დიდხანს სიცოცხლეს,რათა მუდმივად გაახალისო პატარების ცხოვრება .ჩემი წლევანდელი წერილი ცოტა განსხვავებული იქნება,ალბათ იმიტომ რო გავიზარდე..და ცოტა ჭკუა მომემატა.არ მოგთხოვ ლეპტოპებსა და ბოლო მოდელის მობილურებს,არც მოდურ ტანსაცმელს და სამკაულებს,გთხოვ მხოლოდ ერთ რამეს,ეს წელი ჩემთვის იყოს სიკეთის მომტანი,იღბლიანი,ბედნიერი,გთხოვ ჩემი ოჯახის წევრების,ახლობლების,ნათესავებისა და მეგობრების ჯანმრთელობას!მათ გარეშე ადამიანის სიცოცხლეს აზრიც არ აქვს,ამიტომ მათი კეთილდღეობა მეც ბედნიერს გამხდის.დამეხმარე გზა გავიკვლიო ამდენ უსიამოვნებასა და ტკივილში,დამეხმარე მამაცურად დავუხვდე პრობლემებს და მოვაგვარო ისინი..მაჩუქე სიკეთის კეთების და დიდი სიყვარულის უნარი…და თუ ამ ყველაფერს შემისრულებ გპირდები რომ არასოდეს,არასოდეს,არასოდეს არ გიმტყუნებ!:)))))
ყველას გილოცავთ დამდეგ შობა-ახალს წელს,ყველაფერი საუკეთესოს მომტანი ყოფილიყოს თქვენთვის ეს ახალი 2012 წელი:))
:):)
